(( العادي جداً )).. بركات الشمري ..!

[j r 7 !]

.. || صباحكم يعبق بالشاعرية ................ ................ ومسائكم يكتسي بالعذوبة ||.. انتقيت لكم بعض من قصائد العادي جداً الشاعر المبدع ..(( بركات الشمري )).. أتمنى أن تنال اعجابكم آنا بنتك .. " ضي عينك " ! شوفي وش قرب المسافة بين أهدابي وبينك !؟ بس ّ يمه أنتي وينك !؟ يمه قومي !؟ توني أصحى على الدنيا .. دخيلك لاتنومي !! من يرتب لي الدفاتر !؟ من يبدّلي .. هدومي !!؟ يمه بدري .. والله بدري ! آتهجّاها همومي ! يمه مات ! كل شي ٍ كنت أحسه " حي " في هذي الحياة ! " الأمل في رجعة الأحباب " " صوت الأمنيات " ! وكل شي ٍ كنت أحبه .. مر .. ودعني .. وفات ! طفلتك ماعاشت " إحساس" الطفولة ! ............. فاقده في هالزمان .. إحساسها ! شافت إن الصبح .. ماتقدر تطوله ! ............. وازفرت ونّه ورى أنفاسها ! واحضنت هالليل والورد وذبوله ! ............ لين مانامت .. على كراسها ! ماستحى منها الحزن هاك الخجولة ............ ولاطرى يرحل ويبعد ياسها ! فيه شي ٍ.. لو قدرت إني أقوله ! ............ كان شفت الناس حبّت ناسها ! يمه ضميني بـنام ! خايفة أبقى لحالي عايشه وسط الظلام ! عام مُرّ .. ومر ّ عام .. وآنا كل ليلة أتمتم : بكرى تذبح لي حمام !! يمه وينك !؟ ماتت اللهفة بيدّي .. تنتظر لهفة يدينك ! يمه خوذيني معك .. بس اشوفك .. واسمعك ! ودي لو أقتل بصدري هالسؤال : يمه وينك !!؟ وحنا صغار .. زرعنا في تراب الحلم ... حلم ويشبه العصفور ..! لكن طار !! وكنا صغار .. ويتفتّح صباح ٍ غارق بغيّه مثل تفتيحة الازهار ولاندري متى نمنا !؟ وكم نمنا ..! وش اللي صار !! وصوت الوالد المرحوم : يالله قوم ! أمان ودمعة استغفار !! وريحك يارغيف امي .. سوالف هاااااادئه واشعار !! وأتريق مع اخواني .. وتتريّق عيوني وجه ابوي الدافي الحاني .. واصك ّ زرااار !! وآخذ ( حُبّه ) من أمي .. وفي يدي " ربع دينار " !! وآخذ شنطة أحلامي على اكتافي .. واصحّي بـخطوتي درب طويل ومظلم وغافي !! وتصحى اشجار !! واروح امشي لـ مدرستي .. واناديها : يامدرستي ..! علامك ماتنفستي !؟ سوالف طفل ضحكاته أناشيد وغنا وامطار! متى نرحل عن اسوارك .. بعد ماكنّا شطّارك .. نبي مره ولو مره نحس ّ إنّا غدينا كبار !! هِنا كانوا لي اصحابي .. هِنا ضاعوا مع العابي ..! هِنا ياكم نخبّي من براءة فـ علبة الأسرار ! وصرنا مثل ماكنّا إنتمنّى !! والغريب اشـ صار !! رجعنا كبار تنمنى لو إنّا بس بقينا صغار !! شاعر أنا ياحنين الأمس محتاجك ....................... أبغاك لامن طرقت الباب .. تفتح لي ! مشتاق والله كثير لراحة إزعاجك ....................... مشتاق أحسّك مثل ماكنت تفرح لي ماتذكر الحلم يوم ينام بـ ادراجك ....................... تعال فسّر غيابه ليه !؟ واشرح لي ! مشتاق أداعب بحرك وألمس امواجك ...................... مشتاق ألامس عميقك وانت تسبح لي تعال واشعل بصمتي كلمة سراجك ..................... تعال لكن إذا ماجيت لك ... رح لي !! ماجيت أجمّع جروحي قاصد احراجك ..................... جيتك أببكي وابيك الحين تسمح لي !! بـ بكي على الناس والإحساس لاماجك .................... بـ بكي على الموت يوم إنه يلمّح لي !! بـ بكي على الجوع والموجوع لاداجك ................... بـ بكي على الكون والمدفون في وحلي !! بـ بكي على الروح والمجروح لا هاجك .................. بـ بكي على الحب يوم الحب يلوّح لي !! ياخطوة الحلم نامي وسط ديباجك ! .................. وإلا اتركيني .. وخليّ الدرب .. وارتحلي !! الموت لامن بكيت وجيت .. محتاجك ! ................. وطرقت بابك .. ولابه ناس .. تفتح لي !! واروح اشرب .! هوى ذيك البراءة .. وابكي .. و .. أهرب !

[j r 7 !]

" صح أنا أحبك كثير " !!؟ هذا أنتي ..! ماتغيرتي كثير ..!! تاخذين " الصبح " من كفه ! ومن كفه أطير ! وتقلبين الريح مشهد : من مواويل وعبير ! وهذا أنتي تسأليني : صح أنا وحدي الأميرة ..! وانت لي وحدي .. الأمير !!؟ ماتغيّر أي شي ! " بس أنا أحبك كثير " !!! كثر ماهي سوّرت هاك المواني .. / هالأماني ! كثر ماغنت بك اعروق ومحاني ! كثر ماقلت لغيابك .. " بس ثواني " ! كثر ماناحت على الأغصان .. ورقا ! وكثر ماقلت بخفوقك : " لازم ابقى " ! كثر دمعي كثر جرحي.. ../ كثر ماني فيك أشقى ! كثر ماحسك وانا غايب .. معايا ! كثر مانمتي .. ورى هاك الحنايا ...! كثر ماني أنكسر عند ... الزوايا ! كثر ماني أبتسم ! لاجيت اضمك ..!! وكثر ماني أنطوي .. لاعشت همك !! وكثر ماني آتشتت ..! لاجل ألمك ..! كثر ماغنيت لك .. " يالله تعالي " ..! نوريني .. سود بعدك .. ! هالليالي ..! كثر ماهزيت لك غصن الشعور ..! كثر ليل ..! وكثر نور ..! وكثر ماقلتي : " تجي مره نطير " ! نرسم الدنيا مواويل وعبير .. وآنا بس وحدي " الأميرة " !! وأنت وحدك لي " أمير " ..! وكثر... ما "احبك كثير " ..!!! صح أنا احبك كثير !!؟ أمر هناك ! يبكيني الرصيف .. ويشهق الشبّاك ! وتتعلق على عيوني .. صوّرك المبعده ! / أشواك ..! وهذا الباب ! كم غيّب " حبيب " .. ومالقى " غيّاب " ! وكم ودى !؟ وكم ودى !؟ ولكن مارحمنا و " جاب " ! يمر الليل ..! واسألني (( تحبه )) !؟ ..................... إيه أحبه حيل !! وامر الليل ..! وافضحني (( يحبك )) !؟ .................... ماسترني ليل !! واغني هناك .. !! وحيـــد ولا معي قلب ٍ يصبرني على جوعي ..! .......................... بعيـــد ولامعي إلا ّ ..! .. بلاش آقول : ياعمي ! سنة غنى الحزن همي ! ورتّب أطهر دموعي ..! ......................... تصاغرت التعب فيني ..! وقلت : الله ! ياهمي !! واظل هناك ..! أقراني " مواجع " .. وارتبك " وانساك " ! واشوفك / والرصيف اللي يخاوي " خطوتي " .. يقراك ! واظل أشهق غلاك .. اللي بصدري ! واصرخك " فيني " ! : حرام تخلي عيونك .. ............................ بدونك ! ......................................... واشبه الشبّاك !

[j r 7 !]

تبي نتفارق !؟ قولهــا .. ونتفارق !! ............... عشان اعرف شلون .. ألملم جراحي ! يلعن أبوه الشوق ! وشلون .. حارق ! ............... تو مافترقنا .. وابتدى فـ اجتياحي ! غصن العتب ما مات ! للحين . وارق !! ............... والليل .. أتلى الليل " طلّة صباحي " ! مجرم غرام وفوق هالجرم ... سارق ! ............... تسرق ... منام اللي قضى الليل صاحي ! أهواك والله .. كثر مالاح بــارق .. ............... ياللي تشوف الحُب .. " كسرة جناحي " ! قول " نتفارق " قولهــا ! ونتفارق !! ............... أي " إنتفـارق " بس !!هو أنت صاحي !! كثير اللي .. نسينا ودهم .... لو ودنـا فيهـم ! وكثير اللي ازرعوا فينا المودة بـس نسيناهـم ! وكثير اللي .. تمنوا قربنا في شـوق واثريهـم !! نسوا إنّا انتمى قرب ....... من كـان يتمناهـم ! وانا اللي من ورى اللهفة أزف الشوق وادعيهم ! واقول هناك القاهم واظل هنـاك .... مالقاااهـم ! جمعت اللي جمعت من المواجـع قلـت [ أسويهـم قصايد ] .. لاجل لاغابوا عن الاهداب/ أقراهـم ! " وترحل صرختي " لاجيت آقلب فـي أغانيهـم ! " وتذبل " .. بس لاجيت اتأمل فـي زواياهـم !!! أجل وشلون لاجيت آتذوق ... " طعم " اساميهـم ! أبي وشلون لاجيت ..... أتصدد عن هداياهـم !! جروحي لادروا هالناس عني...... وين اخبيهم !!؟ وموتي لادريت إنه معاهـم ... كـان اشواهـم !! وصوت القلب لاأمسى عليّه " قوم ... ناديهـم " ! وصوت العقل لاأقسى عليّه " صد .. وانساهـم " ! وانا والله تنساني الحياة إن كنت ..... ناسيهـم ! ولا أنسى بعد وشلون دمعي فـيوم .... بكّاهـم !! أنا اخترت الممات اليـوم دامـه مـن اياديهـم ! مدام إنه مع خيار " الفراق " اخترت : أحلااهـم !! لآرواحكم ..( )..

[عاشق المستحيل]

لي عودة لهذا الصفحة المميزة ، والموضوع الرائع
،برب،

[j r 7 !]

اقتباس: المشاركة الأصلية كتبت بواسطة عاشق المستحيل    لي عودة لهذا الصفحة المميزة ، والموضوع الرائع ،برب،

الاروع وجودك
بنتظآرمرورك
نورت

[هواها خليجي]

تجميع وأنتقاء رائع من شخصك الراقي
خفوقي ...

لم أكن أعلم بوجد مثل هذا المبدع في الساحه الشعريه
لندرت أطلاعي في ذلك المجال...

ولكن الحقيقة فيما انتقيته لنااا أعجبت بأبياته
لي إطلعات أخرى له...


خفوقي كل الأمتنان لك

[j r 7 !]

اقتباس: المشاركة الأصلية كتبت بواسطة هواها خليجي    تجميع وأنتقاء رائع من شخصك الراقي خفوقي ... لم أكن أعلم بوجد مثل هذا المبدع في الساحه الشعريه لندرت أطلاعي في ذلك المجال... ولكن الحقيقة فيما انتقيته لنااا أعجبت بأبياته لي إطلعات أخرى له... خفوقي كل الأمتنان لك

يسسلمو ع المرور الاكثر من رآئع
نورتي متصفحي يالغلا

[ن ـاني والدلع ع ــنواااني,,,]

خفوقي عاف دقـآآته ..][
لطــآلمـآآ قلت لكي بانك رمز للابدآع..
لكن كبرتي ومع الايام صرتي مفتاح الابدآع
او الابدآع بام عينــه ..
عوافي ع طرحكـ وانتقاائكـ..
البراق ...


نـــآني..][